Анчелотти: “Хамеснинг жисмоний ҳолатидан хавотирланганимда уни эмас, Усейн Болтни сотиб олган бўлардик”

“Эвертон” бош мураббийи Карло Анчелотти АПЛ 1-турида “Тоттенхэм”га қарши баҳсда дебют қилган Хамес Родригес ҳақида гапирди.

“Хамес дунёдаги энг тезкор футболчи эмас, аммо у жуда ҳам сифатли ўйинчи. Биз ундан ўзини кўрсата оладиган даражада фойдаланишимиз керак. У вингер ҳам эмас, бироқ Хамес ҳужумга яқинроқ ҳудудда ҳам тўпни қабул қилиш учун ўйнаши мумкин. У жуда хавфли. Унинг жисмоний ҳолати мени безовта қилмайди. Агар бу мени хавотирга солганида Хамесни эмас, балки Усейн Болтни сотиб олган бўлардик”, — дейди Анчелотти.

Манба : Goal.com