Камавинга "Реал" ва ПСЖнинг қизиқишига қарамай "Ренн"да қолишга қарор қилди

"Ренн" ярим ҳимоячиси Эдуардо Камавинга унга "Реал" ва ПСЖ клубларидан қизиқиш бўлганига қарамай яна бир мавсум жамоасида қолишга қарор қилди.

"Албатта, сизга катта клублар қизиқиш билдираётгани яхши. Аммо, мен булутларда учмайман. "Ренн"да қолиш қарорини оилам билан бирга қабул қилдим.

Ҳозир эса ҳамма нарса шундай бўлганидан хурсандмиз. Мен эътиборимни футболга қаратишим ва атрофдаги нарсалар мени чалғитмаслиги керак. Ҳозир ҳаёт ажойиб", - дейди Камавинга.

"Ренн" Камавингани 80 миллион еврога баҳоламоқда. Французнинг клуб билан тузган шартномаси 2022 йилнинг 30 июнига қадар мўлжалланган. 17 ёшли хавбек ўтган мавсум клуб миқёсидаги барча мусобақаларда 36та ўйинда майдонга тушиб, 1та гол ва 2та ассист қайд этди.

Эслатиб ўтамиз, "Ренн" янги мавсумда Чемпионлар Лигасида иштирок этади.

Манба : Goal.com