ПСЖ спорт директори: “Агар бу бокс бўлганида биз ғалаба қозонган бўлардик”

ПСЖ спорт директори “Марсель”га қарши баҳсдан сўнг фикрлари билан бўлишди.

“Футболчиларимиз яхши ўйин ўтказди деб ҳисоблайман. Агар бу бокс бўлганида биз ютган бўлардик. Томас Тухелнинг жамоадаги келажаги хавф остидами? Бу ўйиндан сўнг дарҳол шу каби саволлар берилмайди деб ўйлайман”, — дейди Леонардо.

Эслатиб ўтамиз, ПСЖ—“Марсель” (0:1) баҳсида бош ҳакам Жером Бризар футболчиларга 17 та карточка кўрсатди. 5 футболчини ўйиндан четлатди. Ўйин сўнгида футболчилар ўртасида жанжал келиб чиқди. Неймар эса “Марсель” аъзоси Альваро Гонсалесни ирқчиликда айблаб чиқди.

Манба : Telefoot