Видаль "Барселона"дан олиши лозим бўлган товон пулидан воз кечди

Бу "Интер"га тезроқ ўтиш учун қилинди.

"Барселона" ярим ҳимоячиси Артуро Видаль "Интер"га ўтишга яқин турибди. Tuttosport хабарига кўра, 33 ёшли чилилик футболчи трансфер ишларини тезлаштириш учун Каталония клубидаги 6,5 миллион евролик бадал пулидан воз кечди. Видаль келаси ҳафтадаёқ Милан жамоаси футболчисига айланиши мумкин.

Артуро Видаль ўз фаолияти давомида "Барселона"дан ташқари "Коло Коло", "Байер", "Ювентус", "Бавария" каби клублар шарафини ҳимоя қилган.

Чилилик 2018 йил ёзда Каталония клубига ўтган эди. У "кўк-анорранглилар" учун барча мусобақаларда 96 учрашувда қатнашиб, 11 та гол урди ва 10 та голга узатма берди.

Манба : Tuttosport